Help Our Family Recover from Debt and Financial Hardship

Asra Ali | Organizer

Rs. 20,000.00 Raised Rs.1,000,000.00 goal

1 Donors

5 days Running

Assalam-o-Alaikum,

Main ek working mother hoon aur ek chote bachay ki maa hoon. Aaj main bohat umeed ke saath aap sab se madad ki darkhwast kar rahi hoon.

Pichlay kuch saalon mein family responsibilities, financial commitments aur unexpected setbacks ki wajah se main aur mere husband qarzon ke bojh tale aa gaye hain. Ham dono par mil kar taqreeban 15 se 20 lakh rupay ka qarz hai.

Hamari financial difficulties mein ek bara sabab committees mein hua nuqsan bhi hai. Kuch raqam jo committees ke zariye manage ki ja rahi thi, wapas hasil nahi ho saki, jis se hamari financial planning buri tarah mutasir hui. Is ke baad hamein zaroori kharchon aur commitments ko poora karne ke liye mazeed qarz lena para.

Hum dono mehnat karte hain aur qarzon ki adaigi ki poori koshish kar rahe hain. Hamari income ka bara hissa monthly repayments mein chala jata hai, jis ki wajah se ghar ke zaroori kharchon aur apne bachay ke mustaqbil ko manage karna bohat mushkil ho gaya hai, ghar ki chat bhi thek karwani hai.

Hum kisi luxury ya ghair zaroori cheez ke liye madad nahi maang rahe. Hamari darkhwast sirf itni hai ke qarz ka bojh kuch kam ho jaye taake hum apni zindagi ko dobara stable bana saken aur apne bachay ko behtar mustaqbil de saken.

Qarz ki total raqam 15–20 lakh rupay ke darmiyan hai. Hum ne is fundraiser ka goal 10 lakh rupay rakha hai. Agar hum is amount ka kuch hissa bhi jama kar saken, to yeh hamare liye bohat bari madad hogi aur financial recovery ki taraf ek aham qadam hoga.

Aap ki har choti ya bari contribution hamare liye bohat qeemti hai. Agar aap donate nahi kar sakte, to hamari darkhwast hai ke is campaign ko share kar dein.

Allah Ta'ala aap ko aur aap ke ghar walon ko sehat, khushhali aur barkat ata farmaye.

JazakAllah Khair.

1 person donated

Recent Donors
Top Donors